Երաժշտություն

Ուրույն անհատներ

Սա յուրահատուկ հաղորդաշար է, որտեղ յուրաքանչյուր թողարկումում մեր թիմը այցելում է հետաքրքիր, բազմազան մասնագիտություններով հյուրերի։ Մենք զրուցում ենք կյանքի ուղու, արվեստի, երաժշտության ու մնացած այն թեմաների մասին, որոնք դարձնում են մարդուն ՈՒՐՈՒՅՆ։ Հաղորդման ընթացքում երաժիշտ հաղորդավար Վահագ Ռաշը զրույցը համեմում է կենդանի կատարումներով՝ երգելով երգ, որը համահունչ է տվյալ հյուրի հոգեբանությանը կամ պատմությանը։
Միացեք մեզ՝ բացահայտելու բացառիկ անհատականություններ և նրանց ներշնչող պատմությունները։

Music Home

Բարի գալուստ «Music Home»՝ հուզիչ և ստեղծագործական հեռուստաշոու, որի հաղորդավարն է երաժիշտ և պրոդյուսեր Վարդան Գաբոյանը։ Յուրաքանչյուր թողարկման ընթացքում Վարդանը իր ձայնագրման ստուդիայի դռներն է բացում երգիչների և երգահանների առաջ՝ ստեղծելով ջերմ մթնոլորտ, որտեղ երաժշտությունն ու զրույցը միաձուլվում են։ Նրանք միասին քննարկում են անձնական պատմություններ, ստեղծագործական ուղին, ինչպես նաև արվեստում հանդիպող դժվարությունները։ Իսկ ամենաթանկ պահը թողարկման ավարտին է՝ հյուրն ու Վարդանը միասին ստեղծում և ձայնագրում են նոր երգ։ «Երաժշտական Տունը» այն վայրն է, որտեղ գաղափարները դառնում են մեղեդի, իսկ պահերը՝ երաժշտական կախարդանք։

Մենք մերոնցով

Անկեղծ ու հուզիչ հանդիպումների հարթակ, որտեղ մեր ժամանակների լավագույն երաժիշտները, երգիչները և երգահանները բացահայտում են իրենց պատմությունները, ստեղծագործական ուղին և երաժշտական աշխարհը։ Հաղորդումը հեռարձակվում է Armount TV-ով և Ռադիո Վան Գյումրի-ով՝ միավորելով երաժշտասերներին մեկ ընդհանուր տանիքի տակ, որտեղ խոսում ենք ոչ միայն երգերի մասին, այլև արվեստի ներշնչանքի, դժվարությունների և հաջողության գաղտնիքների շուրջ։ Յուրաքանչյուր հաղորդում առանձնահատուկ է՝ լի անկեղծ զրույցներով, հետաքրքիր բացահայտումներով ու երաժշտական ոգեշնչմամբ։ Մեր հյուրերը կիսվում են իրենց առաջին քայլերից մինչև մեծ բեմեր տանող ճանապարհով, պատմում են իրենց ստեղծագործական որոնումների, հաղթանակների ու դժվարությունների մասին։ Հաղորդման գագաթնակետը դառնում է յուրահատուկ երաժշտական նվերը՝ մեր հյուրերը կատարում են իրենց սրտի մոտ սիրելի երգը, ստեղծելով անմոռանալի և ջերմ մթնոլորտ։ Սրտանց, մաքուր, հայկական՝ մենք մերոնցով…